正當大家享受緊暑假之際，我哋而家已經密鑼緊鼓籌備緊下一個學年，希望繼續為大家帶來歡樂同解悶！

相信有睇開我哋page嘅大家都會熟悉Admin嘅職責，所以唔多介紹喇，反而我哋想介紹一下今次首次招募blogger呢個職位。如果你鍾意寫吓文，或者畫下畫插下圖影下相，都好歡迎你加入成為我哋嘅Blogger！

Blogger係咩來？如何成為Blogger?

學Ben哥話齋，只要你upload過一條片，你就已～經～係一個youtuber嚟架喇。

《Ben:如何成為Youtuber》影片截圖

同樣地，只要你寫一篇文俾我哋 + 自己諗一個筆名，你就已經係Blogger嚟架喇。Blogger同Admin唔同，後者通常活躍於Facebook，而Blogger就主要喺我哋嘅website寫下文章，我哋無規定Blogger每月要交幾多文，亦唔需要開會，所以嚴格嚟講唔算一個post/職位，只係好似報紙專欄作家咁間唔中寫下文，不過論選材，尺度，字數等，Blogger都比報紙專欄作家自由得多。最重要係，我哋唔會催稿，換言之，你呢個星期得閒可以寫十篇文，下個星期唔得閒可以一篇都唔寫。

如果你哋有留意甚至申請過做Storyteller，你可能會覺得性質同Blogger好似，不過其實Blogger係freelance形式，工作要求各方面都比Storyteller靈活有彈性。所以，我哋好歡迎報過Storyteller嘅你再報一次Blogger。

Blogger寫啲咩？

我哋對選材無特別限制，Blogger可以寫關於感情，時事，藝術，體育，微小說，小說，短篇，自傳，Exchange遊記，開箱文，Exchange生活分享，打機攻略，食評，時裝介紹 等等你諗得出嘅都得。如果你鍾意畫畫／攝影／拍片，歡迎你直接分享你嘅作品，我哋都會接受～。不過，請你一定一定一定要保證所交嚟嘅作品係原創。

典解會招募Blogger嘅？典解嘅？典解嘅？

我哋引入blogger嘅目的係想令大家有多一個網上聚腳點，最重要係 …… 你報咗咪知囉～

我哋歡迎來自所有院校HD副學士學士碩士博士等等嘅同學 🙂

Comments