地下鐵

#LoveStory
[地下鐵]

81FEC728-8F60-4D48-9171-2EA40E4200DB {focus_keyword} 地下鐵 81FEC728 8F60 4D48 9171 2EA40E4200DB
走出舖頭,向地鐵站方向行去。望下電話,原來只係六點半,先放咗工半個鐘,今日買嘢都幾快手。喺旺角人來人往嘅街頭橫過幾條馬路,終於走到平日正常放工會經過嘅路口。紅燈,停低。

突然諗起你:你通常都冇咁準時走,總會做到六點兩三四個字先離開公司,好難得先會同你一齊走 —— 而你當日亦冇約會 —— 咁就可以一齊踏上歸家逼地鐵嘅旅程。今日晏咗離開旺角,唔知會唔會咁啱,撞到最佳員工嘅你?

雖然周圍冇熟人,亦冇人會留意、理會,但係都只敢偷偷快速掃視一下天橋、路面,睇下有冇你嘅蹤影。冇錯,係一份偷偷收係心入面嘅情感,連自己都唔敢直視唔應該出現嘅情感。

有人話直覺,只要相信佢、使用佢,用得多就會準。果然,一眼就望到天橋上嘅你。即使大家相距幾十米,即使你打扮同橋上其他無關痛癢嘅人差唔多,依然輕易認到你身影。心跳得好快,好想快啲轉綠燈,衝過去追上你,同一你齊搭車傾計,哪怕轉頭又要分道揚鑣。

好彩交通燈轉得比平日快,馬上用最急、快過番工遲到嘅步速穿梭人群之中。只要行得快一定可以追上你,因為你鐘意慢慢行。天氣仲有些少涼,但係已經出哂汗,仲諗住件衫可以著多日添。好熱,但係忍唔住微微地笑。

一直衝到月台,聽到廣播下一班車就快到,即係你好可能仲未上車。你通常企係遠少少嘅車廂,比較少人冇咁逼。向住你嘅車廂行過去,仲未見到嘅仲未見到嘅⋯⋯見到你喇。你專心撳緊電話,都應該冇見到呢個心暗暗跳得好快、額頭都出埋汗嘅同事。企喺你隔離一道門,唔敢行埋去,怕太突兀,特登去撞你咁(雖然真係)。結果追得咁辛苦,只係默默等你發現自己喺隔離。又或者你根本唔記得,平日自己唔會行去遠啲嘅車廂,你可能淨係以為咦咁啱呀放工咁耐你仲未走嘅。

叮噹,上車,都係等唔到你發現,試下行近啲你個車廂。只見到你五米外嘅背影,戴上耳筒聽你喜歡嘅音樂。嗯,可能你都唔想放工後仲要同同事吹水,想一個人靜下,好啦咁都係唔好打擾你喇。咁啱有公司啲無聊嘢,whatsapp你俾睇先。隔住十個人嘅距離,偷偷望你背影,用文字輕輕交流講笑。

叮噹又叮噹,落車,故意喺月台上向你嗰卡行。都係算啦人太多,唯有望多兩眼呢架載住你,帶你離開越來越遠嘅列車。心裡面有種夾雜少少甜蜜嘅失落。係嘅,大家本來就住唔同區,咁啱短暫地同路啫,遲早要轉車,向各自嘅目的地前進,始終不屬於彼此。

#其他 #heSHE

===============================
===============================
😀 A OR F 潮TEE 正式開賣!買兩件有折 ==>
【http://dryup.xyz/product/white-a-or-f-tee/ 】
🙂 分享你嘅小秘密 ==>【 http://bit.ly/sharesomething 】
B-) 成為專欄作家,讓更多人睇到你嘅作品 ==>【 http://dry.hk/beblogger/ 】

Comments

Tags: