心很累

#LoveStory
[心很累]

A3 F
好長….發現冇人可以傾訴,只係想抒發下情緒

頭兩個Ex 都出軌,對男人失去曬信心,用左六年先慢慢放底。直至遇到佢,佢令我對男人有番信心。

半年前,果時同男朋友一齊左兩個月,係佢追我既,佢突然有日話佢心裡有個女仔放唔底,幾年黎佢自己一個收埋好辛苦,好想走出黎,d人叫我離開佢,好記得當時,我喊左出黎,好似做左代替品。最後因爲佢既坦白,我揀左留底,想同佢一齊走出陰霾,覺得我地仲有希望。

半年之間,曾經好多次都質疑自己既付出會唔會有回報。但我選擇繼續堅持,好努力甘比錫佢,佢都感受到,仲叫我錫自己多d,唔好對佢甘好。有時我都會鬧下情緒,我只係想佢愛我多d,唔需要d咩物質,一個擁抱,一句關心就夠。但每次都係要我踢一踢,佢先旭一旭,對我好d,耐左又對我愛理不理。我不斷幫佢諗藉口:可能番工忙、佢初戀唔識拍拖姐。我都已經好開心,至少講完佢肯旭。

直到早排,我開始受唔住,問佢有冇鐘意過我,先知原來一直以黎,佢試過去鍾意我,但都未得,feel 唔到。同我一齊係因爲我對佢太好,唔想冇左個人對佢好,但佢又有冇理過我感受?我已經唔想再踢佢,好怕踢左兩三年後,佢先同我講同樣說話,與其到時仲辛苦,不如一早分開。儘管我想佢同我一齊行落去,但佢身可以留得低、心恐怕留不低。

難過既係,原來我做甘多野都感動唔到佢,換來既係傷心。其實佢唔係唔識哄人、錫人,只係果個人唔係我。希望佢有日真係搵到個佢想錫既女仔,唔好令第二個女仔受傷。我只係想搵到個識珍惜我既人,比人錫,就係甘簡單。但已經好累,冇力再拍拖。

#清水灣大學 #HKUST

===============================
===============================
😀 A OR F 潮TEE 正式開賣!買兩件有折 ==>
【http://dryup.xyz/product/white-a-or-f-tee/ 】
🙂 分享你嘅小秘密 ==>【 http://bit.ly/sharesomething 】
B-) 成為專欄作家,讓更多人睇到你嘅作品 ==>【 http://dry.hk/beblogger/ 】

Comments