走上有性無愛的不歸路

#Longstory #故事連載
[走上有性無愛的不歸路]

我係一個20出頭既女仔,但我已經有過數不盡既FWB同SP。
有時一諗到呢樣野就會覺得自己好污糟。但係呢個諗法好似反而令自己泥足深陷,覺得自己已經污糟到唔配有愛,所以關係一直係有性冇愛,就算有追求者我都唔敢接受。
或者係聽人講得多,成日話邊個邊個埋單,我覺得好難聽。雖然身邊冇人知我性生活,但假設我有另一半,我都唔想佢係背後比人話幫人埋單。所以或者債係要還的,到而家我都冇拍過拖。
其實意志真係好重要,當初因為無知破左處,加上自己性慾都幾勁又幾享受,就開始覺得無所謂。但耐左發現原來係過唔到內心果關,甚至成日覺得自己係一隻免費雞。
其實我要求好簡單,無奈一直都係愛人多於被愛。或者咁講我好需要愛,但就一直未遇到一個兩情相悅既,我又唔想因為咁玩弄人地感情,所以只可以係FWB同SP既懷抱中感受下污濁既愛。
我知行到呢步係好cheap ,但每個人背後都有一個你永遠唔會知道既故事,所以唔好單憑我幾句就判官上身thanks。亦都唔好同我講咩家人既愛朋友既愛,大家都知係有差別。
我曾經都有比人打動過。因為真心中意,所以唔想暪佢呃佢,係接受佢之前同佢坦白。點知佢知道左我既過去之後態度就變曬,一心打算同我發展性關係。我傻我天真,比佢氹兩氹信左上左床,果陣可以同相愛既人攬埋一齊,我覺得自己好幸福。但係結果係點,大家應該都估到。
果一次之後,我發現我既過去已經令到所有野都返唔到轉頭。我既世界再都容納唔到另一半,而只有FWB或者SP。
我打上黎並唔係想鼓吹性風氣。如果唔覺意踩親閣下道德線,咁抱歉,你亦可以慳返啖氣唔需要企係你既道德高地批評我,因為我晚晚都批鬥緊自己。最後因為諗到咩講咩所以有d 1999同埋唔覺意長文左 sorry once again lol
雖然有d估到答案,但我都想知道,如果你真心中意一個女仔,知道左佢咁既過去之後,你接唔接受到?定還是會當佢免費雞食左先?

#其他

===============================
===============================
😀 A OR F 潮TEE 正式開賣!買兩件有折 ==>
【http://dryup.xyz/product/white-a-or-f-tee/ 】
🙂 分享你嘅小秘密 ==>【 http://bit.ly/sharesomething 】
B-) 成為專欄作家,讓更多人睇到你嘅作品 ==>【 http://dry.hk/beblogger/ 】

Comments