O1的執著

#Longstory #故事連載
[O1的執著]

O1 F

文長。慎入。遠距離一年,純粹經驗分享。希望第一次拍拖既朋友可以避免犯錯。

————————
第一次拍拖,第一次將一個原本陌生的人帶進生活,第一次用盡全力去了解另一個人的生活。想知道佢點唸,想知道佢做緊乜,想知道佢重視的人系點,想知道自己系佢心目中占幾多位置。太想靠近,卻又不懂怎樣靠近,彷彿進一步是錯,退一步也是錯,這樣的感覺很徬徨。

Exchange認識,從朋友到拍拖。剛開始時,我還是一張白紙,他有兩次經驗。佢話應該多見面,多溝通,特別是遠距離情侶。我同意,仲話無論將來遇到什麼都一定要講出來,兩個人一齊面對。熱戀期的時間過得很開心,很快,每晚skype超過一個鐘,一個月見一次面。個時候真的感覺自己好幸福,我地去過越南,澳門,長洲,新加坡,印尼,俄羅斯,整個冬天同春天,燃燒我所有情感、金錢、時間。

後來我發現有句話講得好,當熱戀期過去,便不再有很多的熱情,不再對一個人好奇。呢個時候,需要信任,需要體諒。這個易是最難的。我真的應該感激,從拍拖開始,他一直都有做到坦誠相待,做過乜,遇到乜人,邊個約佢飲酒落club,遇到異性對佢好,好聽難聽,都會講我聽。但個個時候的我,不會珍惜,以為坦誠是基本,仲會對佢發脾氣。遠距離,安全感更少。到現在回想起來,個時候最不懂事。因爲問心個句,我自己可有做到坦誠相待?有時候,為免破壞關係,有些話題會盡量避開。O1的我不懂得體諒。結果,不斷吵,吵到佢燥,吵到我喊,大家都受傷。所以,學習體諒,控制脾氣。

一開始的信任重要,重新信任對感情更加重要。一開始的信任是隨時間增長,逐漸瞭解,越來越喜歡,越來越投入,越來越相信對方。後來,有越來越多的寄望。一旦期望落空,心情難過,鬱鬱不滿。我好討厭佢同ex聯絡,明明分手,點解唔分得乾脆?有一次,終於忍唔住,我話,如果佢地再聯絡,就分手。之後有一次ex問佢野(學術性質),其實都應該系幾緊急,佢傾左陣,不幸被我發現。突然之間好似被人玩,傷心徹底。然後佢用record證明,少少曖昧成分都無,講幾句就無左。O1的執著,當時的我衹看到佢背叛承諾。卻忘記去思考,或者是我一開始講得太絕,嚇親佢,才不敢話我聽。這件事,瞬間將我以為的一切信任瓦解,遠距離信任好重要。之後每次吵,不斷翻舊賬。現在回想過去,其實都衹不過一下子期望落空甘簡單。一開始就將心目中最好男朋友的期望放在佢身上。期望太過,期望太多,脫離現實,才是令自己受傷的原因。然後我開始學習去重新信任,希望從生活中,慢慢再了解呢個人,慢慢建立合理的期望。

最後,減少依賴。或者呢個是熱戀期遺留的習慣,也是O1的我太過執著,經常期待佢回覆,期待佢關注發生在我身上的每一件事。可能你會覺得港女病,其實衹不過系未學識點樣相處,不自覺依賴。後來我明白,拍拖就是兩個人互相去分享自己的生活,將對方帶入自己的生活,而唔系不斷去要求,一日到黑表現自己的存在感。為自己留少少空間,易要尊重對方的空間。愛情,從來不公平,不是你付出幾多,對方就要回應幾多,一切衹不過系你情我願。
————————————
完。

第一次寫。希望幫到大家。同埋希望唔好嫌棄。

#清水灣大學 #HKUST #邊間大學好似唔系好重要 #O1的執著

===============================
===============================
😀 A OR F 潮TEE 正式開賣!買兩件有折 ==>
【http://dryup.xyz/product/white-a-or-f-tee/ 】
🙂 分享你嘅小秘密 ==>【 http://bit.ly/sharesomething 】
B-) 成為專欄作家,讓更多人睇到你嘅作品 ==>【 http://dry.hk/beblogger/ 】

Comments

Tags: